| قصة خيالية اردنيه | |
|
+8jameeeeeel najwa مؤمن ابو جوزيف Baha عاشقة القمر أميرة الورد najwaomar 12 مشترك |
كاتب الموضوع | رسالة |
---|
najwaomar نجم فعال
عدد الرسائل : 210 العمر : 38 التخصص : نظم معلومات حاسوبية مدير المنتدى : https://2img.net/i/fa/empty.gif تاريخ التسجيل : 23/06/2008
| موضوع: قصة خيالية اردنيه الخميس يوليو 03, 2008 6:13 pm | |
| قصة خيالية أردنية
كان يا ما كان في قديم الزمان و في سالف العصر و الاوان
بلد صغيرة جميلة يعيش فيها عائلة صغيرة مكونة من اب و ام وولد فقط
يصحى ابو عقلة من النوم نشيطا مبتسما
و ينظر الى ام عقلة بحب ووله
ابو عقلة: يسعدلي هالصباح شو هالحلاوة هاي اي انا الي تلاتين سنة بتصبح بهالقمر
ام عقلة: يي يا ابو عقلة انا اللي بتصبح باحلى قمر احضرلك الفطور؟
ابو عقلة: اه بس اطفي التدفئة شوبت كتير و الله هدول بالارصاد دقيقين بطريقة مش معقولة
يعني اللي بيقولوه بيطلع صح
ام عقلة: شايف شو الطقس حلو برة؟ التلج داب من مبارح
و الجرافات رفعتة من الطريق و كل شي برة نضيف..
خليني اصحي عقلة يلحق يتحمم و يفطر و يروح على دوامه و بحضر الفطور
ابو عقلة :ما تنسي العسل و القشطة يا قشطة
ام عقلة تذهب لايقاظ عقلة ,تدخل غرفة عقلة المرتبة النظيفة جدا و تراه نائما كالملاك
ام عقلة : عقلة اصحى يما الساعة ستة
عقلة يصحى بسرعة شديدة و يقفز من سريره بنشاط
عقلة : يسعد صباحك يما..يا باي يما شو بحب يوم الاحد بعد العطلة
هيك ارجع ع دوامي ..انا يما بحب شغلي كتير
ام عقلة : بس يما زي ما بوصيك دايما انت شرطي سير الناس امانة برقبتك
عقلة: و لو يما..انا اصلا كل مواطن اخ و كل مواطنة اخت بديش وصاة
يفطر ابو عقلة و ام عقلة و عقلة في جو من الالفة العائلية الجميلة
و يقبّل ابو عقلة ام عقلة بعد ان يضع في يدها خمسين دينار مصروف اليوم
يذهب عقلة الى عمله مبتسما و يقف في مكانه على دوار عبدون
تمر سيارة مسرعة و يوقفها و يذهب للسائق مبتسما
عقلة: صباح الخير يا اخي ..كيف حالك؟ بس يا ريت تخفف السرعة شوي عالدوار
و بلاش التشحيط و كمان لو تحط الموبايل من ايدك لانه خطر على سلامتك و سلامة غيرك اتمنى لك نهار سعيد
المواطن مبتسما: شكرا سيدي الله يعطيك العافية
و يقود سيارته بتمهل و حذر
يتحدث عقلة لنفسه: ما شاء الله ما احلى سيارته الله يزيد و يبارك
ابو عقله في دوامة باحدى الدوائر الحكومية ينهمك في عمله
ولا يلتفت يمينا او يسارا
ولا يحادث زملائه
ولا يشرب الشاي
او يحل الكلمات المتقاطعة
و يبدا المواطنون بالتوافد على الدائرة التي تتسم بالنظافة الشديدة
و التي يوجد بها كراسي نظيفة جدا مرتبة غير مكسورة او مطبشة او مكتوب عليها
و يقفون بترتيب في طابور منظم بدون تأفف مع احترام النظام و اعطاء الاوليةلغيرهم
يقترب اول مواطن من ابو عقلة مبتسما
المواطن: صباح الخير
ابو عقلة: صباح النور شو طلباتك نحنا هون في خدمتك لراحتك و مساعدتك
المواطن: بس بدي توقعلي هالورقة
ابو عقلة: بكل سرور بس بدها توقعين تانين بعد هيك و بتكون جاهزة
يشكر المواطن ابو عقلة و يوقع التوقعين و تنتهي معاملتة خلال نصف ساعة و يغادر الدائرة
يخرج للشارع و يوقف تاكسي
و يجلس قرب السائق النظيف الذي تخلو سيارته من اية زينة او علبة كلينكس معلقة بالسقف
و التي يمنع فيها التدخين
و يقود السائق سيارته بكل لياقة و ادب و اخلاق
دون ان يتجاوز او ييتوقف على المنعطفات بدون انذار
و دون ان يشتم او يسب او يتافف من الحكومة او الغلاء او المخالفات الغير موجودة اصلا
و دون ان يفرض ارائه السياسية و نظرياته على الراكب
و دون ان يبصق من النافذة
و تنتهي الرحلة و يدفع الراكب النقود بدون نقاش
و يعيد له السائق الباقي بكل سرور لوجود الكثير من الفكة بحوزته
و يتابع السائق طريقه مبتسما هادئا
يستمع لصوت الوكيل الشجي على الراديو الذي قرر ان يستقيل لان البلد خالية من المشاكل
يتوقف على اشارة المرور ولا يقترب منه اي شحاد او بائع زهور او العاب لا معنى لها و لا يزمر للذي امامه او يقرفه
و يشكر الله على نعمته و يحمده على خيراته
و توتة توتة خلصت الحدوتة
وكل واحد يرجع عاشغله بلا مسخرة !!! J
| |
|
| |
أميرة الورد نجم نشيط
عدد الرسائل : 74 العمر : 38 مدير المنتدى : https://2img.net/i/fa/empty.gif تاريخ التسجيل : 26/06/2008
| موضوع: رد: قصة خيالية اردنيه الخميس يوليو 03, 2008 6:27 pm | |
| السلام عليكم هههههههههههههههه تسلم ايدك .. شكرا كتير جد حلوة | |
|
| |
عاشقة القمر نجم نشيط
عدد الرسائل : 54 مدير المنتدى : https://2img.net/i/fa/empty.gif تاريخ التسجيل : 26/06/2008
| موضوع: رد: قصة خيالية اردنيه الجمعة يوليو 04, 2008 7:08 am | |
| قصة خياليه عن جد بس والله بايدنا انها تصير واقع ونعيشه بس اذا غيرنا عقليتنا ونفوسنا وهون المشكلة والكارثة مستحيل نغير حتى لو كان على حساب راحتنا | |
|
| |
Baha نجم فعال
عدد الرسائل : 144 العمر : 40 التخصص : IT مدير المنتدى : https://2img.net/i/fa/empty.gif تاريخ التسجيل : 23/06/2008
| موضوع: رد: قصة خيالية اردنيه الأحد يوليو 06, 2008 9:49 pm | |
| اااااخخخخخخخ ...
احلى قصة لمسلسل اردني .... بلكي غيرو الوتين هههههههههه
وغيرو كلمة .... شو بتقوووووول... حامد باع الأرض وتجوز .... | |
|
| |
ابو جوزيف نجم فعال
عدد الرسائل : 151 العمر : 37 التخصص : C.I.S مدير المنتدى : https://2img.net/i/fa/empty.gif تاريخ التسجيل : 06/07/2008
| موضوع: رد: قصة خيالية اردنيه الأحد يوليو 06, 2008 11:33 pm | |
| | |
|
| |
مؤمن نجم متقدم
عدد الرسائل : 389 العمر : 38 التخصص : علم حاسوب - جامعة التكنولوجيا مدير المنتدى : https://2img.net/i/fa/empty.gif تاريخ التسجيل : 30/06/2008
| موضوع: رد: قصة خيالية اردنيه الأربعاء يناير 28, 2009 1:13 am | |
| ههههههههههههههههههههههههههههههههههههههههههههههههههههههههههههههههههههه ابو جوزيف اصحى لقيت اشي بضحك هههههههههههههههههههههههههههه انه النكتة عليك خخخخخخخخخخخخخخخ | |
|
| |
najwa نجم فعال
عدد الرسائل : 122 العمر : 37 التخصص : cis تاريخ التسجيل : 04/11/2008
| موضوع: رد: قصة خيالية اردنيه الأربعاء يناير 28, 2009 10:35 pm | |
| ميرسي يا نجوى عيشتنا بمسلسل خيالي... | |
|
| |
jameeeeeel نجم مبدع
عدد الرسائل : 873 العمر : 37 التخصص : M-m تاريخ التسجيل : 25/07/2008
| موضوع: رد: قصة خيالية اردنيه السبت يناير 31, 2009 2:55 am | |
| كان يا ما كان , ههههههههههههههههههه بس لسا في ناس كان وما زال بس مش دايما يعني مش كل يوم على هالموال . | |
|
| |
Designer مصمم المنتدى
عدد الرسائل : 1558 العمر : 35 مدير المنتدى : 0 تاريخ التسجيل : 20/06/2008
| موضوع: رد: قصة خيالية اردنيه السبت يناير 31, 2009 5:29 am | |
| هههههههههههههههههههههههههههههه انا بضحك على الردود بس | |
|
| |
anwar نجم نشيط
عدد الرسائل : 52 العمر : 36 التخصص : علم حاسوب تاريخ التسجيل : 06/11/2008
| موضوع: رد: قصة خيالية اردنيه الخميس فبراير 26, 2009 4:52 pm | |
| شو نجوى كاينه بتحلمي ههههههههههههه ياريت خصوصا المواصلات | |
|
| |
salem aldahamsheh نجم فعال
عدد الرسائل : 252 العمر : 36 التخصص : CS تاريخ التسجيل : 24/11/2008
| موضوع: رد: قصة خيالية اردنيه الجمعة فبراير 27, 2009 3:06 am | |
| ههههههههههههههههههههههههههههههه ههههههههههههههههههههههههههههههه شو هالخيال الممتع مشكوووووووووووووره | |
|
| |
اسراء عمر نجم مبدع
عدد الرسائل : 757 العمر : 34 التخصص : نظم معلومات حاسوبية تاريخ التسجيل : 17/11/2008
| موضوع: رد: قصة خيالية اردنيه الخميس مايو 14, 2009 3:20 am | |
| يعطيكي الف عافيه يا نجوى على القصه تحياتي الك | |
|
| |
| قصة خيالية اردنيه | |
|