أرسموا معي ملامح المجتمع الذي نتوق له

السلام عليكم ورحمة الله وبركاته


أسعدكم الله وأسعد أوقاتكم وجعلكم مطمئنين سالمين


إخواني وأخواتي

كلنا نحلم بمجتمع معين

ونتأسف على ما يحدث ونرثي حال مجتمعاتنا العربيه


أفتح هذه الصفحه لنرسم عليها ملامح هذا المجتمع

كيف تريد مجتمعك الذي تعيش فيه؟

وان استطعت التغيير . . بماذا ستبدأ؟

برأيك . . ما الأشياء التي علينا التركيز عليها ليكون مجتمعنا مجتمعا نفخر به ونطمئن على أبنائنا ونضمن مكانتنا بين الشعوب بتميز ؟

وتذكر بأن مجتمعنا هو جامعتنا .. كليتنا ... قسمنا ... فما هي نواحي التغيير التي تتوق اليها في
هذا القسم الحبييب .. فنحن كطلاب ننتمي لهذا القسم، يجب ان يكون لدينا هم وانتماء للمكان الذي يحدد هوياتنا .. لنرسم معا ما هو القسم الذي نحلم به وما هي السلبيات والايجابيات التي تجدها داخل هذه الدائرة

كلنا يحمل هذا الحلم . . فلنتشاركه . . ولنرسم المجتمع الذي نريده على الأقل هنا على صفحات منتدانا . . .


أرجو التفاعل . . .


وكل الشكر والتقدير لكم أحبتي

اول شيء بشكرك على فكرتك الرائعة اختي اسراء وبحييكي عليها

احنا بجامعتنا وقسمنا بنعاني من كثير مشاكل يعني بتحس احيانا انه ما في حدا مهتم بأمر قسمة او كليته او جامعته مثلا احنا عنا بالقسم الاهتمام بنظافة المختبرات والممرات بتشكل النا مشكلة كبيرة اذا زاد الوضع عن حدة يعني احنا طلاب جامعة لازم نكون على الاقل مراعيين جمال المكان المتواجدين فية

اتوق لسماع المزيد من الاراء في هذا الموضوع

[b]
مشكوره إسراء لطرحك الموضوع

أنا برأيي .... انه الواحد لازم يبدأ بنفسه أولا .... ثم بالمحيط القريب ... ثم يتوسع اكثر فأكثر

شو يعني ؟؟؟

يعني انه احنا لازم نقنع انفسنا .... بانه احنا قادرين على التغير ... وصنع الجديد ... والمفيد ان شالله

وعشان هيك لازم نحط ببالنا فكرة انه القسم .. من اهم الاوساط الذي نقضي فيه يومنا ... واغلب اليوم كمان

ونبدا بحالنا وبالي حوالينا ... لحتى توصل فكرة الحفاظ على قسمنا الي بحبه كثير بشكل خاص ... وبعدين للكليه والجامعه

اما أنا فنفسي اشوف قسمنا بيتطور كمان وكمان... ويصل لأحسن وضع
وهذ طبعا ما رح يحصل ... الا بتعاوننا وشدة حيلنا مع سوا ...


ملاحظة : ######################

احكوا يا طلاب عن القسم الذي تطمحون به والكل ان شاء الله بيسمعكوا

منوووووورين الموضوع يا اعضاء
وشكرا يا نجود لاهتمامك فيه ...
تحياتي الك
ولي رجعه

والـــــــه ماسة الاقصــــــــــى معها حق
يعني احنا بمختبر c++ ما بنلاقي اجهزة نازلة عليها البرمجية فبنضطر انوا كل اتنين بجهــــــــــاز
والله بعيـــــــــــــــن

طيب ما بتشتكوا للمشرفين عشان اينزلوا الكم البرمجية ؟؟!! او بتعطيهم ملاحظة عن هيك اشي ؟؟

انا حابه احكي عن نقطة مهمه هي النظافة... ويمكن هي اكتر اشي بنقدر احنا كطلاب نسيطر علي
ا يعني لو كل حدا يبدا بنفسه بخصوص هاي النقطة وما يرمي الورق والكاسات والسجاير هون وهناك

كمان غير انو هاي الشغلة حرام وبتزعج الناس.. هي كمان بتعطي شكل غير حضاري للجامعة وللقسم

اكيد يا سوسو الله ينور عليكي هاي النقطة من اهم النقاط الي البعض بيستهين فيها يا جماعة على الاقل اهتم في مكان تواجدك لانه المكان بيدل عليك على بيئتك !

اه والله يا نجود

احكيلهم احكيلهم بردوا عليكي ههههههههههه

يا ريت نكون واعيين بالنقطة هاي لانها مؤذية لشيء اسمة طالب حاسوب

والله معكم حق يا صبايا
لانه النظـــــــــــافه احنا اللي بنتحكم فيها
فيـــــــــا ريت كل طالب حاسوب خاصة وطالب جامعه عامة انه يكون واعي لهيك شي

يا جماعة احنا لازم نهتم بالقسم اكثر من هيك
يعني بودي يكون في ملصقات بالقسم
نشرات توعية
يعني بحس قسمنا خامل وفارغ ودايما عتمة
وعلى الاغلب اذا بصير فيه حركة بتكون عشان الامتحانات
بدنا طالب الحاسوب يتفاعل اكثر

والله مزبوووط يا هدوؤ الكون دايما القسم عتمة وظلمة
بتمنــــــــــــى انوا حد يسمعلنا

احنا بالاول كأعضاء للمنتدى لازم نعمل توعية شو رأيكم ؟؟؟

فكرة كتير حلوة يا هدوء
وبانتظــــــــــــار نجود وباقي الاعضاء لمناقشة الفكرة

"انا برحب بالفكرة اكيد وبانتظار طروحاتكم "كيف شكل التوعية وكيف رح نبدأ فيها ؟ ؟
انا برأيي إيش رأئيكم بمجلة صغيرة تصدر شهريا او حتى فصليا بالقسم ؟؟ فيها كل المواضيع التي بتخص قسمنا بالاضافة لمواضيع ثقافية ثانية توزع على الطلاب بالقسم

طبعا رح انحاول انه تكون لغتنا بالمجلة قريبة جدا من لغة فئة الشباب وما تكون مملة ومش بس صف حكي ؟؟
بانتظار مناقشة الموضوع معكم

رأي صــــــــــائب يا نجود
وبانتظااااار باقي الاعضاء للمساهمة في الفكـــــــــــرة

انتظر افكاركم واقتراحاتكم