منخاش نمبر ون

موضوع: منخاش نمبر ون السبت نوفمبر 22, 2008 9:55 pm

السلام عليكم ورحمة الله وبركاته

كيف حالكم يا أكوس أعضاء بالدنيا كلها

أكيد كل من شاف اسمي قال وش ذا المغبر ... قديم بعنف
بس أتحدى واحد فيكم يقول ماوحشته < واثق الخطوهـ يمشي بغلا

بس يقولون الذيب مايهرول عبث .. جايكم اليوم بوجبه دسمه جدا من الصور والبلوتوثات والاضحوكات والحربوتات

أبطيت غايب ... لكن الشوق ماغاب *** وهذي الرساله تعتذر عن غيابي

منخاش نمبر ون

هل تتابع شاعر المليون ( الشاعر المهبول ) ؟ اذن أنت مهبول .... اسمع معي يارعاك الله
سئل الشيخ عبد العزيز الفوزان عن حكم التصويت للشعراء المشاركين في شاعر المليون وغيره
فأجاب بعدم جواز ذلك لعدة اسباب :

ان المسابقة هدفها الاساسي الربحية واكل اموال الناس بالباطل وليس فيها عدل في الحكم على الشعراء
وان من يصوت فهو يشهد شهادة زور لانه يصوت وهو يعلم ان شاعره ليس بالافضل
كما ان فيها تبذير للمال في غير وجه حق فلو انفقت هذه الاموال الطائله للفقراء والمحتاجين اليس افضل ؟؟
كما انها تثير النعرات القبيلة والجاهلية التي قضى عليها الاسلام وقد علمنا ان بعض القبائل تقوم بعقد اجتماعات وحملات تعد فيها الولائم ويتم فيها جمع التبرعات من اجل التصويت لشاعر القبيلة وهذه عودة للعصبية القبيلية وحمية الجاهلية

انتهى كلام الشيخ حفظه الله .

ياشيخ عبدالعزيز والله ان عندنا دلوخ واجد تقول هذا حرام يمشون فيه تقول هذا حلال ينحاشون عنه
ماودك الا تحطهم بشبك غنم وتسفرهم على جيبوتيا الشقيقه المتحدهـ الافريقيه

منخاشي الثاني

كنت مسافر بيومن من الايم الماضيه من والى واول مامسكت الخط وانا اشوف لوحة مكتوب عليها ( لا تسرع يابابا ) .. هذا مو ظلم طيب ؟ طيب انا ماني متزوج ولا عندي !!!ارين وش اسوي ؟ يعني امشي 200 ؟ انا اقترح عليهم يغيرون اللوحه ويخلونها .. لا تسرع يابن الحلال

منخاش نمبر ثلاثه

خمستي ياخمستي لا رباع ولا سديس *** زودوها راتبي وين اودي هالفلوس
افرحي ياحرمتي وافطري فول وتميس *** وش لك انتي باللحم والتمر نشبة ضروس
قالت ارقد وانكتم يامهايطي يا تعيس *** اخر عهدي بالتمر واللحم وانا عروس

منخاش رابع

سؤال يمدح نفسه ... الحين هاللي مشتركين بنغمات صدى ويحطون أغاني ( غنايا ) .. وش الفايدهـ ... يعني حسناتهم كثيره ؟
مايعرفون ان كل من اتصل عليهم هم اللي ياخذون ذنبه ... للاسف كل يوم ننصدم بأشياء في مجتمعنا لشرذمه كبيره بالمجتمع

مربط الفرس

تعليق على موضوع ...ضمير نص كم في جامعاتنا ... ... اقول للكاتبه القديره ازيدك من الشعر بيت .. انا درست بكلية المعلمين بالطايف وكان عندنا دكتور ياخذ الطلاب بالترتيب ... اول اسم ياخذ .. أ .. ثاني واحد .. ب ... وهكذا وانت وحظك
يعني لا تستغربين ياما تحت البلاوي بلاوي .. والدكتور اللي كان يرمي الاوراق مع زوجته
تراه كان يقول انا اشغل المروحه على واحد ودقيقه واطفيها واللي ورقته مقلوبه راسب
والثاني والله العظيم بعظمة لسانه يقول انا اعطي زوجتي الاسماء ,, والاسم اللي يعجبها تنجحه والا لا ترسبه

مشكور سهل على مشاركتك
يعطيك العافيه

ههههههههههه
مشكوووووور سهل يا حياالله

يعطيك العافيه سهيل
ومشكور عالمشاركه
تقبل مروري

مشكووووووورين عاى المرور صح الموضوع قديم بس روعه