مغامرات مواسرجي ازعر - الجزء الأول..

عندي الكم اليوم قصة جديدة من الآآآآآآآآآآخر اذا عجبتكم بنزل الجزء التاني واذا ما في ردود بعرف انها ما عجبتكم وما رح انزل الجزء التاني...........؟؟!!!

مغامرات مواسرجي

هذا في يوم من الايام رحت اصلح عوامه لواحد المهم فتحت التنك لقيت العوامه مكربجه ومزطومه زطم مديت ايدي جوه التنك عشان افكها ولفيت رقبتي عالجهه التانيه لقيت في العماره اللي قبالي برنده قزاز واقفه فيها واحده بتحل عن حبل المشنقه انا رقبتي التوحت

ولك شو هدا ...بنت بتسطل سطل ..... انا انعمى ضوي وانا اتطلع عليها .....ايه شو هالبنت بتضحكلي !!؟ رفعت النضاره شوي عشان امسحها واتاكد انها بتضحك الي مش لحدا ثاني لاني لابس نظاره عدستها زي قاع قنينه البيبسي المصيبه لما ارفع النظاره ببطل اشوف وببطل اسمع كمان !

رجعت النظاره البنت بتطلع فيي وبتبسم انا سحت زي البوزه رحت انا ابتسمتلها طبعا وثمي مسكر عشان ما تشوف السنين اللي قدام مش موجودات بس انا عارف حالي بجنن وحلو بس مش لهالدرجه ولك هاي احلى من هيفاء وهبي قلت هاي نزلت على من السما

انا شكريه اللي كنت احبها قبل خمس سنين وزنها قبل الاكل 140 كيلو وبعد الاكل الله بعلم الله لا يوفقها قعدت احبها خمس سنين وتعطيني نص ليره اشتريلها اغراض وتطلع الاغراض بخمس ليرات وانا زي الخروف ساكت اخر اشي طلعت متجوزه صارلها عشر سنين وانا مش عارف

المهم نرجع للسطح قلت خلص يا ولد لازم تزبطها رحت مسكت ورقه كيس شمينتو (كنت ممخط فيها قبل شوي) وطويتها واشرتلها يعني بدي ابعتلك مسج وانا ااشرلها اجا ابوها بسرعه انا حطيت راسي بالتنك وعملت حالي بصلح بالعوامه لكن انا خربان من جوه خالص صرت اتطلع عليه وهو يحكي معها من تحت لتحت وصار يزبطلها بقبه قميصها وهي مبتسمه .. اااااااااااااه ما احلى ضحكتها

المهم العوامه تكسرت تحت ايدي 100 شقفه مهو انا مش صاحي من الحب اجا صاحب البيت قللي الله لا يوفقك كسرتها؟؟ قلتله اسمععععع جميلتك على حالك هسا بشتريلك 50 عوامه عاد انا لو تخبطني بالارض ما برن قاللي شو بتحكي يا مقلعط ..رفعت النظاره وقلتله اسمع انا اصلا مش شايفك وانا عن جد مش شايفه !!! سكت الزلمه قلت خليني اعربد كمان شوي قلتله انت وجهك هيك ولا ماكل كريك ما لحقت اكمل هالكلمه ولا هو ضربني بكس على عيني طفالي كل الكهارب بطلت اجيب عمان قاللي بدك تصلحها غصبن عنك فاهم وله طبعا انا مش شايف قدامي قلتله حاضر حاضر بعدين قلت فرصه عشان اشوف حبيبتي عن السطح فلازم اضحي شوي

رحت اشتريتله عوامه بالدين الله لا يوفقه

وطلعت عالسطح وانا منشكح ومغطي عيني اليمين بايدي لانه صار عليها دويره سوده وكانت حبيبتي واقفه كانها بتستنى فيي واقفه على وقفتها وبتضحكلي انا راح مني كل الوجع وقلبي وقع لسابع ارض قلت خلص يا ولد هون طاب الموت هاي البنت لازم تكون من نصيبي

المهم اجا صاحب التنك وانا ولهان ومش صاحيله زي اللي فيقني من حلم حلو ... اتطلع فييي شويه وطلع من جيبته ليرتين واعطاني اياهم شكله حزن على منظري ...

انا اخدت الليرتين وروحت عالدار وطول الليل وانا مش عارف انام ما صدقت يطلع الصبح عشان ازبط حالي رحت عالحلاق ابو العبد وقلتله زبطني قاللي ولك انت بدك صب من اول وجديد عشان تزبط قلتله دبرها المهم حلقلي وخليتوا يعمللي سناني اللي واقعين قدام حطلي سنين كبار شوي هم يعني شكلي صار زي سنان بس اكمل الفراغ ورحت لبست البوت الصيني اللي عندي ورشيت عطر من تبع سحاب من اللي بحطوه عالموتى وتكتكت على الاخر واخدت تكسي طلب لدارها وانا مش حاسس بحالي من الفرحه

المهم دقيت عالباب طلعلي ابوها ...حاطط متر شرايط على رقبته ولابس نظاره حلوه قالي عفوا...انت؟؟؟؟؟ قاطعته بسرعه وقلتله انا؟؟؟؟ مزبوط هو انا .. الزلمه قالي تفضل انا دهمت بسرعه ولا انا متطعطر واقع على بوزي اجا الزلمه بسرعه وساعدني اني اوقف وقعدني عالكنبايه انا صرت اتطلع شمال يمين عشان اشوف هيفاء حبيبتي بس ما كانت موجوده الزلمه قالي بشو بقدر اخدمك يا اخ قلتله بصراحه ومن الاخر انا جاي اطلب ايد بنتك الي طبعا انا ببتسم وانا واثق من نفسي لاني مركب سنان جداد

قاللي مين قللك انو عندي بنات للجيزه؟؟ قلتله يللا عااااااد علينا ..انا شايف بعيني بعدين يا عمي انا وبنتك بنحب بعض واذا وقفت بطريقنا بتظلمنا قاللي يا ابني انا ما عندي بنات شو انت ما بتفهم؟ قلتله اسمع انت شكلك خايف مني يا عمي انا ابن حلال وكسيب يعني كل يوم بطلع خمس ست ليرات يعني بنتك راح تتنغنغ وراح اسكنها بغرفه لحالها .....قاللي كمان لحالها لا انا بدي اياك تسكنها مع الحاره

ولك انت شو...حمار ؟؟ ما بتفهم ما عندي بنات يا بني ادم قلتله له له له بلشت تغلط كمان كيف لو انا مش شايفها بالبرنده عندك لما سمع الزلمه هالكلمه وقع سخسخ من الضحك قلت بعقلي ماله هدا الهبيله ليش صار يضحك المهم الزلمه وقف ومسكني من ايدي وقاللي تعال اورجيك اياها ولك هاي يا لطخة مانيكان قلت بعقلي يا الله ما احلى اسمها ما..ني..كان يا سلاااااااااام

مش زي شكريه المهم شدني واخدني عباب البرنده اول ما شفتها درت وجهي بسرعه وصرخت زي امينه رزق لااااااااااااا لا يا عمي عيب تورجيني بنتك مشلحه قاللي لا بدي اورجيك وراح شد شعرها ولا هو طالع بايده انا شفت هالشوفه قلت بعقلي قرعه قرعه راح اتجوزها المهم الزلمه قاللي ولك يا حمار انا ما عندي بنات وساكن لحالي وبشتغل خياط وهاي لعبه بنقيس وبنفصل عليها فهمت يا محترم ؟؟ اااااااااااااااااااااااااااااااااه

قلبي قلبي !!طبعا هون انجلطت وهسه قاعد بكتب القصة من ال icu...

منقول

هههههههههه
وضعوا مأساوي الزلمه
الله يعينوا
هههههههه

هههههههههههههههههههههههههههههههههههههههههههههههههههههههههههه
رهيبة القصة وموسراجي طافي

هههههههههههههههههههههههههههه
والله واثق من حاله هالموسرجي
الله يعين هالناس الي عايشة مع حالها

قلت بعقلي قرعه قرعه راح اتجوزها

ههههههههههههههه

مسكين هالمواسرجي اكيد راح فيها

hahahahahahah
ya 3ene 3la hal mosarje eshe mn el a5er ana bs bde afhm 2oset
النظاره الي عدستها زي قاع قنينه البيبسي
keef sheklha

ههههههههههه
ابداااااااااااع
انا اكتر شي عاجبني بالموضوع شكرية Very Happy

شكريه...

؟؟؟

لا تاخذو الموسرجي معنو عقلتو تررلي بس بضلو موسرجي وبدونو ما بتمشي الحياة

رووووووووووووووووعة
عم بستنى الجزء التاني والله
يلا ما تطول علينا فيه Very Happy

هههههههههههههههههههههه لعيونكم بس ما شفت اشي ردود بس يصلو 40 ان شاء الله بنزل اللجزء التاني

زيزو من وين بدنا نجيبلك 40 رد

يلا مع ردي هاد صارو 11

مين يزود

يالله انا 12 وهيك بصير قيم اوفر وبنبلش من جديد

لا تسدقو بمزح هههههههههههههههههههه

وين الجزء الثاني ما فيش 40 رد قبل الجزء الثاني بعد الجزء الثاني رح تشوف 50 رد

هههههههههههههههههههههههه هالمواسرجي رح نقتنع بمواهبه بعدين

ههههههههههههه
يسلموا زيزوا على القصة
تحياتي الك

ههههههههههههههههههههههههههههههه والله بصرحا الجزء التاني مش عندي بس رح اجيبو بس لعيونكم واذا ما لقيتو رح اجبلكم قصة من افكاري انتو اختارو صح رياضة بس بعجبكم

اهاااااااااااااااااااا

اي احكي هيك من الصبح بتلف وبدور بتلف وبدور وبدك اربعين رد ونازل شروووووووط وفي الاخر طلع مش عندك

بس والله هالمواسرجي خسارة حياته تروح بدون ما نرويها لانها تحفة study

فعلا مواسرجي تحفه.......

وانت يا زيزو تحفه بدك 40 رد و..... ما معاك الجزء التاني

هيك ما بصير بعدين بنجمع الاعضاء ضدك وبنقرر انك انت تنسج الجزء التاني وشرط يكون احلى من الي قبله

يله زيزو همتك

لا ولالالالالالا يهمكم بجيلكم قصة بس بدي واحد يسعدني في الافكار بس بدي اسويها فلم اكشن ما حصلش مواسر فيبر جلس ومواسير فولاذ ومواسير تدفئه مركزية ومواسير لعيونكم بواري احم احم بس الشغلت التانيه من سر المهني وعاى فكرة انا مواسرجي ومعي شهادة تدفئه مركزية

بس لا تجبروني اجبلكم قصة بتخوف انتو وحضكم

ههههههههههه اذا ليش محتار

اذا انت موسرجي ليش ما تكتبلنا وحدة من مغامراتك

هي هي الحمد الله هم وعاى قلب راح لقتلكم 10 اجزاء من الموضوع لا داعي تجيبو افكار هههههههههههه وهلا بنزللكم الجزء التاني مع تبهرات من عندي ولا اقلكم بلاش تبهيرات خليها عاى الريحا

هههههههههههههههههههههههههههههههههههههههه
عنجد روووووووووووووووووووووووعه
موضوعك بجننننننن زيزو وتحياتي لكل طلاب الرياضه

وتحياتي الك ولكل تخصصك