الـحـوار الســاخن بين الشباب والبنات

(( الحـوار المـثالي بـين الشـبــاب و البـنــات ))

سـئمنا من كثرة الـحوارات الـتقليدية الـمنغلقة و الأفـكار المتـقوقعة
والمـواضيع المـتكررة التي أصـابتنا بالملل بسـطحيتها و مـحدوديتها

لـذلك خطرت لـي فكرة هذا الـحـوار [ الساخن ]

وهو عـبارة عن حوار مـثير بيـن فـريقـين
فـريق [ الـشباب ] فـريق [ الـبـنات ]

خلـونا رايقـين شـوي والله يعـطيكم الـعافية

هـناك عدة أمور يكـرهها الرجل في المرأه أو لا يـستطيع فهمـها

(( و ))

هناك أمـور تكرهـها المرأة في الرجـل أو لا تسـتطيع فهـمها

وسـنقوم في هـذا الحـوار بتسـليط الضـوء عـلى كـل مـا لا يعـجبنا
في الـجنس الآخـر بـكل صـراحة .. وغيـرها من الأمـور والتسـاؤلات
التـي يتـسألها كلا الجنـسيين ولا يلاقي لـها إجـابة ..

و موضـوعية وبـعيداً عن التعصـب حتى نـستمتع
و نخـرج منه بنتائج إيجـابية.. تفـيدنا لنـفيد غيرنا ..
ومن الآن ( عدم التـسبب بالأحـراج ) لكلا العنـصريين ..

[ بـداية الحـوار ]

سيـقوم فـريق الشـبـاااب بطرح تـساؤل عن أمر معـين لا يعجبه في البـنــاات
وسـيقوم فريق الـبنااات بالـرد وتبـرير المـوقف أو العكس ..

وبـعد إعطاء الإجابات والمـبررات الكـافية يـصبح فريق البـنات في وضع الهـجوم
ويطرح سؤال على فريق الشـباب..... وهـكذا يستـمر الـحوار

[ ملاحـظة ]

أرجـوا أن نكـون مـع الحـق دائماً بعـيداً عن الإنتـماء و التـحيز والـتعصب وكلاً له حـريته في إبداء رأيـه

اولا بشكرك حبيبي سهل ع الموضوع الساخن واحنا بدنا مثل هاي المواضيع والفرص من زمان

وبدي ابلش القصف خخخخخخخخخخخخخخخخخخخخخخخخخخخخخخخخخخخخخخخخخ

ليش انتوا البنات حساسات زيادة عن اللزوم ودايما بتكبروا الامور ولو تنظرن الها بطريقة منطقية بتلاقوا انكم غلطانين ؟؟؟

احنا مو حساسات زيادة
هاي طبيعة الله خلقها فينا
ولولا هال (حساسية) ما كانت بتقدر الام تربي ابنها على كل شي صح
يعني لو مثلا شافت ابنها بحكي كلمة مو منيحة وسكتت (ع اساس انها ما بدها تكبر الموضوع لانو مو مستاهل) رح يتمادى ويتمادى ويضل هادا الغلط بالابن موجود والكل بكره الغلط

هلأ دورنا بأول هجوم
ليش انتوا الشباب بتعتبروا كل شي بالدنيا سخيف ومو مستاهل وما بتاخدوا المواضيع المهمة بجدية؟؟
رح اعطيكم مثال مشان ما تفهموني غلط
متل الدراسة يعني اغلب الشباب اللي بالجامعة جايين يتسلوا وحضور المحاضرات اخر اهدافهم(يعني بايعينها) Shocked

بسم الله الرحمن الرحيم
يا مؤمن احنا بنكون سينستف كتير لانو النا مقايس غير عنكم , بنشوف الموضوع من جوانب خاصه بالبنات.

يعني البنت اكثر اشي بميزها حيائها "صح" وكمان بتتميز عن الولد بالعاطفه الجياشه .

فهي بتقيس الامور من هاد المنظور

اما بالنسبه للنقطه التانيه انو بنكبر الامور "كأنو انت ظالمنا ا"
يعني اوكي ان الرجال بمتازو بمنطقيه في قيا س الامور وضبطها بتقدر تقول عاليه بس يعني البنات

عندهم منطقيه اقل"بس ما تاخدوا بحالكم مقلب.
يعني متل ما النا نقاط ضعف انتم كمان الكم نقاط ضعف

احم احم انا التزم الصمت بس ياسي واصراري لا يعني انهياري

موضوع رائع اخي سهيل ... ومفيد بنفس الوقت ...مشكور

نيجي لموضوعنا ...

بالفعل احنا حساسات ولكن ... في الظروف التي تستدعينا للحساسيه

والسبب كما ذكرن خواتي .... انه هاي طبيعه وفطره ربانيه خلقها المولى فينا حيث ميزنا عنكم بالعاطفه الاكبر

ولا لم يكن الله تعالى جعل الرجال قوامون على النساء ...

وانتم قد فضلكم الله بالصلابه بالمقارنة معنا

وانا بالتأكيد لا اريد نفي هذه العاده عنا جميع جنس حوا ... لانه بالفعل هنام بنات بيحملوها زياده

وبالمقابل في بنات وين ووين لما تحس الوحده ....

المهموين فريق الشباب ..... ليش ما تجاوبوا على سؤال اسراء

والي هو انه انتو يالشباب بايعينها بأغلب الامور ... وبذات بالجامعه زي ما حكت

يعني وين ووين لما تشوفلك شب حامل كتابين أو ثلاثه

دايما هالقلم بالجيبه بس وين بيكتبوا انا نفسي اعرف ....

هذا اذا كان يحمل قلم اصلا ...؟؟؟؟
إذا لم يستبدله .... ببكيت الدخان ... والخلوي ...

ونعمة كريم ... يمكن يكون مثقلها كمان...

اجاباتكوا يا شباب .... بدنا تفاعل bom

ههههههه الله يسامحكم احنا بايعينها
سدقيني الشباب مو كلهم هيك انا بدون كذب يعني نادرا ما حملت معي دفتر على الجامعه طول الاربع سنين
بس هاد لايعني عدم الاهتمام ازا شفت معلومه مهمه بكون معي ورقه بكتب عليها

سؤالي للصبايا هو
ليش بتسألو كتير بالمحاضره على الطالعه والنازله ؟؟؟؟؟

اول اشي مشكوووورين عاى المرور

ثاني اشي انا انا مش متحيزلجنس عن جنس اخر انا بصرحا بقول انواغلب الصبايه بيجو الجامعة يدرسو وانا بشوف الشباب بيجو الجامعة عشان مشاريع وصفقات

ومثل ما قال دكترورنا
كنا زمان نروح الجامعة ونحط الشناتي وكتبنا ودفاترنا عاى البوابة ونروح المحضره بدون بس
نكون عقلنا معانا بس هسا صار العكس بنحط عقلنا عاى البوابه وبنجيب الشناتي والدفاتر والتلفونان والعقل عاى الله تعود اسال الله العفو والعافيه

اخر اشي بنقول هاد كوووووون بدو يعمر بيك وبلك
كن الاول ولا تكن الاخير فياتي يوم بن يجوز لك ان تكون الاخير

اللي بسأل عالطالعة والنازلة بكون مهتم وما بدو تخلص المحاضرة قبل ما يكون في شي مش فاهمه
وبما انو البنات بهتموا اكتر من الشباب فاكيد اسئلتهم رح تكون اكتر

هههههههههههه ايوه هيك يعني اسراء
لازم تفهمي كل المحاضره
حلو انا معك بس لما يكون السؤال محرز مو اي سؤال بتلاقي الواحد نعسان بالقاعه مو مسدق والدكتور يحكي خلص بتطلع من بين الحضور على الاغلب صبيه دكتور مش فاهمه
ههههههه
بس يطلعوا الطلاب خليها تسال لبكره الصبح

صح كلمك زواهري والله الواحد جاي الجامعة غصب وراسو مدوش والله يتر من تاليها يعني سايق فرشي

ههههههههههههه مو لهاي الدرجه زيزو
انت طالب رياضه لازم تكون نشيط
وخاصه كليتكم معزوله باخر الدنيا

شايفين انكو بايعينها يا شباب .... ومتوكلين على الله

طيب ولله عن جد في بعض البنات احنا بنتضايق من اسألتهم بالمحاضره ... هيك بيسألو سؤال بيدمروا الدنيا

احنا بكون بشغله بنصير بتانيه

المهم احكوا يا شباب

ليش انتو قبل ما تصير الساعه الاربع

بتنطوا كلكم .
_. خلصت دكتور ....
_ دكتور علينا محاضره...
_ حلص دكتور خليها للمره الجايه وكذا على طول

شو السبب يا ترى

انا بقلك شو السبب لأنه الواحد منا حر ما بيقدر ينحبس في مكان واحد ولو ريع ساعة كيف بدك اياة يقعد ينسخ من ورى الدكتور ساعة كاملة يعني الا ربع كثير بتفرق معة انا بالنسبة الا من النص ساعة خلص بيكفيني معلومات النص الثاني بعطية لصاحبي خخخخخخخخخخخخخ

انتوا البنات ليه بتحكو كثير على بعض وما بتبطلوا ابدا حكي ما اله طعمة ؟؟؟ على الطالع والنازل يلا اشوف ردوا

مؤمن كتب:: انا بقلك شو السبب لأنه الواحد منا حر ما بيقدر ينحبس في مكان واحد ولو ريع ساعة كيف بدك اياة يقعد ينسخ من ورى الدكتور ساعة كاملة يعني الا ربع كثير بتفرق معة انا بالنسبة الا من النص ساعة خلص بيكفيني معلومات النص الثاني بعطية لصاحبي خخخخخخخخخخخخخ

انتوا البنات ليه بتحكو كثير على بعض وما بتبطلوا ابدا حكي ما اله طعمة ؟؟؟ على الطالع والنازل يلا اشوف ردوا

والله صح انا عنجد الطالب في المحاضره بكون تفكيرو بره الجامعه كيف بدي اروح اشتغل شو بدي اسوي كيف بدي انضم وقتي في الشغل والدراسه وطلبات البيت يعني بشارك ابو شوي ولكن البنت بترجع من الجامعه اخ يا راسي اخ يا ضهري وشغل البيت عاى الله قومي يا بنت استنلك شوي قومي يا بنت هي طارت الدنيا قومي يا بنت مش قايمه حلي عني