:: هل فعلا نحن جيل فاشــــــــــل ::

كثيرا مانسمع هذه الايام الناس يقولون ان:

الزمان تغير ولم يعد متل الأول .....يا ريت أيام زمان ترجع ...

كانوا الناس اخوان ... وكل شي كان له طعم ...

الكلام هادا كتير بنسمعه في مجالس الكبار ويرون أن هذا الجيل لا يصلح لتحمل المسؤولية

وأن زماننا في كل أطرافه زمان لا يصلح للمعيشة وانه زمن الاتكال على الغير ..

نسمعهم يتحسرون على أيامهم الماضية

ويصفوننا ويصفون زماننا بأمور غريبة

فهل نظرتهم صحيحة أم أنها جائرة ؟؟

وهل هم دوما محقين فيما يذهبون إليه ؟؟

وهل يخلو عصرنا من كل شيء جميل لهذه الدرجة التي يرونها ؟؟

اريد ان اسمع ارائكم بعقلانيه دون تعصب لزماننا

فهل فعلا نحن جيل فاشــــــل ؟!!!

لم يمر جيل من الاجيال لم يكن فاشلا اختي اسراء ولكن في الواقع هو رغبة الاباء والاجداد في تحقيق الافضل من ابناءهم ... وعدم تكرار الاخطاء التي وقعوا بها في زماناتهم .. والا لو لم يخطؤوا لما تعلموا وافادونا من خلال خبراتهم .. ولكن يجب على الاباء ان يتفهموا نقطة الحوار الصادق مع ابناءهم

طبعا اكيد احنا مش فاشلين وهما اللي فاشلين لأنهم خلفونا

بس عن جد انا بسمع الكلمة هاي كثير وبتوقع انه الأمر مش بإيدينا لأنهم الزمن فرض علينا نكون هيك يعني شو ذبنا احنا اذا اخترعوا وسائل موصلات وطيرات و غيرة تريحنا وشو ذنبنا اذا اخترعوا نت تعرف منه اخبار الدنيا وانت بمكانك بينما كان ابوك يمشي يومين لما يوصل لمدرسته "وهي صبي قبل ما يخلفك"

بس الغلطة الكبيرة الي لسا بيرتكبوها انهم بيحملونا مسؤولية فشلنا وهما الي خلفونا

هما قصدهم نكون احسن منهم فاهم علي اخ مؤمن

شو يعني بدهم يضل العالم متخلف وعايشين بدون كهربا مشان تكون( الدنيا بخير) غير هيك في ناس كتير بقولوا انو جيلنا بدون اخلاق
هادا غلط
والله بحس الاخلاق بجيلنا اكتر من الاجيال اللي قبلنا
غير عن انو الدين انتشر وصار واضح اكتر بفضل وسائل الاعلام اللي ما قصرت وهلأ بتلاقي اغلب الناس فاهمة دينها صح مو متل زمان
بس كل واحد بحب ايام ما كان هو شاب
ولما يصير ختيار بتمنى ترجع ايام الشباب
يعني بكرا يا شباب وصبايا بس تختيروا رح تحكوا نفس الشي(ع اساس انكم احسن) ومتل ما قال مؤمن هم الفاشلين لانهم خلفونا

بس احنا ما لازم نواجة كلامهم هذا بكلمة "غلط الي بتعملوة فينا " هيك مباشرة اكيد الفجوة ما بين الاجيال رح تضل بس احنا لأننا عارفيين حاجات بعض خلينا اوعى من هيك ونلجأ لأسلوب الحوار الهاديء وايصال المعلومة بالتفاهم يعني هما بيضلوا اهلنا الي من واجبنا الطاعة الهم ... والهم كمان افضال كثيرة علينا .. يعني لو فهمت جدك انه الزمن اتغير يا جدو اول مرة ما رح يستوعب اكيد ويمكن يصرخ بوجهك .. ثاني مرة رح يضل ساكت ويطلع عليك تطليعة لحم وجهك رح يذوب منها وثالث مرة رح يحكيلك شو هالوقاحة منك بس رابع مرة رح يحكي "اخ ع زمنا احنا ما كنا هيك يلا يرحم ايام التعتير والعذاب " والنيجة مضمونة مجربة

يسلموا يا اعضاء لمشاركتكم بالموضوع ونقاشكم الجاد فيه
بس والله يا مؤمن ما بتحتاج كل هالتعصيب
المهم انوا احنا نكون مقتنعين انا مش فاشلين
كل الاحترام الكم
تحياتي

اول شي بحب اشكرك اسراء على هاد الموضوع المهم
وبشكر الشباب اللي ناقشوا بهاد الموضوع
لما الاهل بيحكوا جيل فاشل لما بشوفوا اولادهم كسولين غير محبين للعمل
يمكن متل ما حكوا الشباب انو التطور اللي صار هلى ما كان عندهم لهيك بعتبروك فاشل ازا انت ما اشتغلت وكنت متلهم
انا بشوف العكس هلى الفاشل اللي ما بعرف يعيش بهاد العصر ويتاقلم مع التطور يعني يا مؤمن هلى لما تفرجي جدك الكمبيوتر شو راح يحكي لك عنو ههههه بتتوقع انو ممكن يقبل يستعملو
التلفزيون ويادوب قبل يعرفو ههههههه
مشكورين جميعا على مشاركاتكم

منوووور يا زواهرة بمشاركتك الرائعه
كل الاحترام والتحية