تغيب ولا تبي اشكي..و احد يرضى على الغيبات..!

تـعال .. و طل ّ في جوفي .. وشف وش لك .. نمى بالذات
مشاعـر .. كنـت انـا اغرسهـا .. و تسقيهـا بكلماتـك

وغصن ٍ لو تبي تهـزّه .. تساقـط فـي يديـك .. ابيـات
كسرته .. و انثنى عِـرق الشعـور .. و شـوف مأساتـك

تغيب .. و لا تبي اشكي ..؟ و احد يرضى على الغيبات ..!
حرام احيا مع اطلال ٍ .. بكت مـن صـوت .. خطواتـك

تذكّر كيف مـن زحمـة .. حياتـي .. اسـرق اللحظـات
و ازيّن .. من دموعي كف ّ .. لجـل آشيـل .. دمعاتـك

تروح بدنيتـك ناسـي .. و انـا جاالـس مـع الحسـرات
نعـد ّ اذنوبنـا .. و نسـكـت .. إذا جيـنـا لغلطـاتـك

ونمشـي .. نتبـع غيابـك .. نعـد ّ بدربـك الخطـوات
و نتراهن .. من الأكثر..! غلاك ..! او طـول غيباتـك..!

طلبتـك .. فتّـش ايدينـك .. و دوّر للولَـه ْ .. رسمـات
رحلـت و مـا رسمـت ألا .. مسافـاتـك .. مسافـاتـك

صحيـح ان الزمـن ياخـذ مثـل مـا يكـرم الـمـدّات
مثل ما للنظر .. نكسه .. و شـف قـدرك .. و طيحاتـك

و انا ادري للرجل .. وقفـه ْ مثـل مـا للقـدر .. وقفـات
و انا اذكر للبَخت ْ .. بسمـه .. قبـل لاشـوف بسماتـك

واذا في شوفتـك رحمـه ..! فيمكـن للجفـا .. رحمـات
احج ّ .. لشوفتك مـرّه .. و لاادري ويـن .. ميقاتـك ..!

حبيبي .. و العتب ما عاد .. يرضـى بكلمـه و نظـرات
و يُؤْسِفُنـي بِشِِـدّه انتـهـى ... مفـعـول نظـرااااااتـك

و انا اللي كان لـي قلـب ٍ .. يضـخ ّ الحـب بالنبضـات
وروح ٍ طيبهـا .. هفهـف .. علـى قيـعـان زلاّتــك

وشـوق ٍ كـان يتزايـد .. كثـر مابخافقـي ... دقــات
تجينـي بعـد ذا كلّـه .. و تـسـأل " ويــن دقّـاتـك "

وش اللي امكلف ٍ نفسـي .. اكابـر .. و اطـرد اللـذات
و انـت الساهـي .. المتـعـذر .. بكـثـر انشغـالاتـك

حصدت اللي زرعته و انـت .. خوفـك يحصـد الغفـلات
انا الغلطان لـي قلـب ٍ .. عَشـق ْ فـوق احتمالاتـك ..

تعيش بواقعـي مـره ... و اعيـش بواقعـك .. مـرااات
و ادوزن .. مـن همومـي .. مسرحيّـه لجـل ضيقاتـك


ابرحـل فـي غياهيـب الزمـان .. و اركـب السجّـات
مـع انـي منْـك مـتـعـطّـش ... ماجـي شفقـان قطراتـك