مع أو ضد........

طبعا انا ضد هؤولاء الاشخاص
لانو الفتاه لما تتعلم بتكون قادره على حفظ بيتها بشكل احسن
بالاضافه انها ممكن تشتغل وتساعد بمصروف البيت

طبعا وبالتأكيد انا مع جانب تعليم الفتاة واعتبره ضرورة مهمة جدا في عصرنا الحالي .

هل أنت مع أو ضد تعدد الزوجات ؟

اول شي مساء الخير جميل يعني هاي المساله بترجع للشخص نفسو هل هو قادر على التعداد ام غير قادر
غير هيك هل بيقدر يحقق نوع من العدل بيناتهم اذا كان الرجل يريد التعداد وتنطبق عليه الشروط شو المانع
وشكرا الكم

على فكره انا دائما بنسى احط السؤال لما يكون الموضوع متل هيك فرجعت عدلت على الرد
وسؤالي هو التالي
هل انت مع او ضد الدراسه بالمدارس النصرانيه ؟؟؟

مساء الورد وان شالله تتمسا بأنوار النبي

والله يا زواهرة هاد كلامك انت لأنك رجال بس ما بعرف عن البنات ؟؟؟ انا حابب اسمع رأيهم .

وبالنسبة للمدارس النصرانية فأنا من جهتي لا أحبذ لأنه ممكن أستاذ يكون متحيز شوي ويعلم إبني شغلات مش من أصل الدين بشكل عام . وكمان في مدارس حكومية كثيرة وما شاء الله في مدارس على مستوى عالي فليش أحط إبني في مدارس ما بعلموهم الشريعة الاسلامية كمنهج حياة . طبعا لا يزعلو علينا إخوانا المسيحية هاي وجهة نظري .

سؤالي التالي : بالاضافة لتعداد الزوجات ما رأيك في جملة المرأة كل المجتمع .

الله يمسيك بالخير جميل والله اني بحبك وبحب ردودك الرائعه
المراه كل المجتمع يعني عباره فيها شو ظلم للرجل رغم انو يعني انا بحكي المرأه هي النسبه الكبرى في المجتمع
لانو المراه هي والدة الرجل اختو عمتو
واجبات المرأه خاصه في عصرنا الحالي بشوفها بتشكل اكتر من نصف المجتمع لانو بطلت تفرق كتير عن الرجل بالعكس صار تروح تشتغل وتعتمد على نفسها بالاضافه لذك قيامها باعملها المنزليه والزوجيه مو تفكروني نسونجي ههههه بس عن جد المراه بتشكل معظم المجتمع خاصه هلا
وسؤالي هو :
هل انت مع او ضد التعارف عبر الانترنت
؟؟؟؟

اول شي مشكورين اخواني على التفاعل المميز
وتاني شي بالنسبه للتعارف على الانترنت بصراحه برأيي انه
التعارف على الانترنت ممكن يخلينا نكتسب معلومات وافكار ونشارك الاخرين بافكارهم
ونتعرف على عادات وتقاليد اشخاص آخرين من دول اخرى

هل انت مع أو ضد زواج الاجنبيات ؟؟

انا شخصيا ما عندي اي مانع او ما بشوف ما يمنع لكن ضمن حدود وضوبط بتكون موجوده بين الزوجين ومتفقين عليها من اول حياتهم متل تربية الاولاد وطريقة عيشهم بس مهما كان بتضل بنت البلد او البنت العربيه احسن بكتير من الاجنبيه
سؤالي هو :
شو هو الشي اللي بتحبي يكون بالمنتدى ومش موجود
شو اقتراحاتك لمنتدى ؟؟

من اقتراحاتي للمنتدى انه نعمل تبادل اعلاني مع منتدى طلاب الهندسه
وايضا نخبر جميع الطلاب في القسم عن المنتدى لانه فيه كتير طلاب ما بيعرفوا عن المنتدى
وانا والله ما صارلي يومين بعرف عن المنتدى

هل انت مع او ضد نقل المواضيع من المنتديات الاخرى ؟؟

طبعا ضد اذا كانت كوبي بيست بدون فهم الموضوع اسا سا هو العنوان حلووووو بيروج العضو الزر اليمين وبينسخة هذا الاسلوب مطلقا لا افضلة لانه الفائدة من الموضوع تكون هي الهدف وليس نقلة وكأننا نحمل الكتب صفحاتها فارغة لا تعطينا غير الثقل ....... لكنني مع وبشدة ابتكار الافكار وعرض الجديد

هل انت مع او ضد عمل المرأة كشرطي مرور ؟؟؟؟؟؟؟؟

nice smile كتب:

من اقتراحاتي للمنتدى انه نعمل تبادل اعلاني مع منتدى طلاب الهندسه
وايضا نخبر جميع الطلاب في القسم عن المنتدى لانه فيه كتير طلاب ما بيعرفوا عن المنتدى
وانا والله ما صارلي يومين بعرف عن المنتدى

هل انت مع او ضد نقل المواضيع من المنتديات الاخرى ؟؟

اقتراح جميل لكن قد يأخذ القليل من الوقت لانه انا ما بعرف الجهة المسؤولة عن منتدى الهندسة مشكووورة لاهتمامك

مشكوره ماسه على ردودك
بالنسبه لسؤالك انا بشوف يعني شوي صعبه الواحد يتزوج وهو بيدرس حتى لو شو ماكانت حالتو الاجتماعيه والماديه
طبعا الحكي بالنسبه للشاب بس ممكن تكون الفتاه متزوجه وهي بتدرس ما في ما يمنع ازا كانت متفاهمه مع زوحها على ذلك
وشكرا الكو جميعا
سؤالي هو :
هل انتوا مع او ضد تغير الخطط الدراسيه في الجامعات بشكل عام
؟؟؟؟

etha kan aktageer ejabee leesh la'

hal ant m3 or thed emtahanat el Mid ??(Mid Exam)

سلام عليكم
انا ضد امتحانات الميد لانو الطالب ما بياخود فرصه كافيه لحتى يحصل علامات عاليه
اما الامتحانات اول وثاني بتعطي فرصه للتعديل

سؤالي هو :
هل انتو مع او ضد اعطاء المدرسين الجداد مواد تخصص لمستويات عاليه
ثالثه رابعه
؟؟؟

انا بصراحه بعاني من هاي المشكله وهي السهر لساعات متاخره بس للاسف مش قادره
اتخلص منها للمشكله ، ويجب على الانسان ان يكون معتدل بالسهر يعني انه ما يسهر لساعات
متاخره كتير لانه السهر يؤدي الى تعب وارهاق جسماني

هل انت مع أو ضد امتحانات الكفاءه الجامعيه التي تجرى للطلاب الخريجين؟؟

انا ضد هذه الفكره من الاساس انا بعد ما اورط الطالب بتخصص معين باخر المده بحكم عليه انو جدير يدخل هذا التخصص او لا ليش انا مو من البدايه اعمل امتحان كفاءه لقدرات هذا الطالب مو بس تقع الفاس بالراس متل ما بحكوا مشكورين جدا
سؤالي هو :
هل انتم راضون عن نظام المختبرات مع كل ماده في القسم ام هناك بعض الملحوظات عليه ؟؟؟

والله بصراحه انا اكره شي عندي اني اخد مختبر
بصراحه اخد 6 محاضرات ولا اخد مختبر واحد لانه بصراحه انا بضيع بين المحاضره والمختبر
وبعض مشرفين المختبرات ما بيشرحوا شي واصلا قلة شرحهم احسن فلذلك المختبرات كلها ما بتنطاق

هل انت مع أو ضد اجبار بعض المدرسين الطلاب على تسليم الواجبات بارسالها على الايميل الشخصي للدكتور ؟؟

so'alek ya masa tho hadeen ana asasa thed e3da' al tolab wajebat kther la'noh bahes al wajbat trbek altalb wabt5leh yekrah elmadeh ama eltasleem fana ma bafadl eltasleem ela soft Copy ya3nee la email w la hard

موضوع الزواج ككل مسألة نسبية للطرفين والكفاءة مطلوبة والثقافة هي الي بتعطي قيمة للواحد
الي بدي احكية انه الواحد ممكن يكون مش حاصل على شهادة "أحيانا "لكن بيكون مثقف وفهمان
لكن على الاغلب الشخص المتعلم يكون من الافضل الزواج بمتعلمة والتفاهم والحب هو الاساس للعلاقة الزوجية


هل انت مع ام ضد حرية الصحافة ؟؟

ضد وبشدة لانه الطالب اذا ما حب تخصصة عمرة ما رح يبدع فيه


هل انت مع ام ضد الامتحانات الموحدة ؟؟

بالطبع ضد لانه كل دكتور يغني على ليلاه بالمحاضره
وكل دكتور بيشرح شي لطلابه ومستحيل يكونوا الدكاتره بيشرحوا نفس الشي
حتى احيانا بيختلف الشرح بين الشعب لنفس الدكتور

هل انت مع او ضد اعطاء الطالبات الحق في الجامعه بأن يترشحن لمجلس اتحاد الطلبه ؟؟

انا مع السفر من منطقة الى اخرى كل فترة لاني بمل كثير من المكان الواحد وافضل استكشاف العالم والدنيا


هل انت مع ام ضد "موضوع مع ام ضد ""؟؟؟؟
هههههههه

"انا شخصيا ضد كل واحد ضد موضوع "مع ام ضد
هههههههههه
هل انتم مع ام ضد سياسة القسم في طرح المواد ؟؟؟؟

مع لانهم اعرف بمصلحتنا ومطلعين على المواد قبلنا وبالفعل تكون المواد الي بيطرحوها تفتح وتؤسس قاعدة للمواد القادم

اترك السؤال القادم لكم

وانا مع لانه بصراحه في كتير طلاب ما نفذوا تعليمات القسم وطلعوا هم الخسرانين
وعنجد لازم كل الطلاب ينفذوا التعليمات

مع اوضد نشر الجرائم في الصحف والمجلات ؟؟

اممممم مع لانو بدل على مدى قوة امن الدولة وكمان بطمنوا الناس من مسك المجرين

بس ضد في حالة نشروا الجرية من غير ما يمسكوا المجرمين


مع أو ضد درآسه الفتآه بالخآرج؟

مع وليش لا اذا كان معها محرم لها .... زوجها او اخوها لانه الهناك الكثير من الفرص التي تمنح ولكن فقط بالخارج


هل انت مع ام ضد اوباما ??

انا برأيي انه اوباما اظهر الكثير من الاهتمام والموالاة لليهود ووعدهم بالكثير لكسب تأييدهم وكانهم الاثنين بيتسابقوا لارضاء اليهود ومن سيقدم لهم الافضل وكانهم هم الذين يحملون الكرت الرابح
لو كان يحق لك الانتخاب لمين رح تعطي صوتك ؟؟؟؟

هههههههه مشكور جميل لهذا السؤال
يعني على حسب نوع القعده في ناس بقعدو بادب وما فيها شي وفي ناس ما بخلو بنت مارقه بالشارع من شرهم بترجع لتربية الفرد كيف هو بيتعامل مع الناس
هل انتم مع ام ضد اعطاء محاضرات باوقات متاخره ؟؟؟

لا طبعا لانو الواحد بعد التنتين بوقف عنده التركيز وبتبدأ نوبة النعاس ومش راح يستفيد من المحاضرة
ولا يفهم منها شي غير هيك بكون الدكتور نفسه قرفان وماله نفس يعطي محاضرة


هل انت مع او ضد اعطاء الامتحانات في وقت متاخر ؟؟؟

انا مع اعطاء الامتحانات في وقت متأخر لانو اعطائها بوقت الدوام لما يكون علينا محاضرات
ممكن يضيع علينا محاضراتنا
والواحد ازا ضاعت عليه محاضرة معناتو فلت الحبل
يعني
ما رح تفهم اللي بعدها
وصارت معي اكتر من مرة
بعدين بالمسا بكون الواحد استعدادو اكبر ومروووووووق بعد ما يخلص كل محاضراتو
مشان هيك انا مع مع مع
السؤال للي بعدي:
هل انت مع أو ضد انو الطالب اللي بينسى كتابو بنطرد من المحاضرة؟؟
(متل ما بيعملوا بعض الدكاترة عنا)

لا طبعا انا ضد هيك تصرف اذا كان ضمن اول 3 مرات بعد هيك بصير اسمه عدم اكثرات و تسيب للطالب بمعنى اخر انه اذا لاحظ المدرس على الطالب مرة اولى يعطيه فرصة ثانية "جل من لا يسهو"

هل انت مع ام ضد ال الفايس بوك ؟؟؟

لكل شي في حسنات وسيئات ومنهم موقع الفيس بوك اللي انتشر بالعالم بشكل كبير في السنوات القليله الماضيه
من ميزاتو انو الواحد بشكل صداقات جديده وبتعرفي على ناس من كل مكان بتواصل مجموعه من الاشخاص مع بعض كتير جيد
لكن في ناس بيستغل الموقع باشياء اخرى يعني انا مو ضد الموقع كفكره صمم لاجلها بس انا ضد سوء استخدام الموقع

هل انتم مع ام ضد شرح مواد القسم عن طريق السلايدات ؟؟؟

انا ضد الاشخاص الذين يعتبرون تعليم الفتاه لا فائده منه
لأن الام مدرسة اذا اعددتها اعددت شعبا طيب الأعراق

هل انت مع أو ضد تعلم المرأة في جامعات بعيدة عن بيوتهن واخذ السكن؟؟؟؟!

مشكور عبود على طرحك للموضوع
انا شخصيا ما بفضل انو البنت تدرس بعيد عن اهلها وتاخد سكن

هل انت مع ام ضد الدراسه من الدوسيات الموجوده في المكاتب بدلا من الكتاب الاصلي للماده؟؟

لا طبعا الكتاب هو الاصل والسلايدات عبارة عن القوريثم للمادة الي بتعطي ملاحظات شو لازم الطلاب يدرس من الكتاب وعلى شو يركز
ولكن وللأسف بعض الطلاب بيوقعوا بالمطب وبيدرسوا سلايدات فقط بدون شرح مفصل من الكتاب

بس بالنسبة لموضوع دراسة الفتاه خارج البلد فقد تتاح فرصة لا تعوض لها بالدراسة بالخارج وهون الغلط بيكمن في سفر الفتاه لوحدها لكني مش ضد خروجها ودراستها برفقة محرم معها وفق لتعاليم الاسلام

اترك السؤال القادم لكم

هل انت مع ام ضد قيادة المرأه للسياره ؟؟

السلام عليكم
يعني شو المانع انو تسوق المراه السياره خاصة هذه الايام اذا المراه بتشتغل مكان بعيد عن البيت

انا مع قيادة المرأة للسيارة وبشدة لانها بتحتاج الها كثير سواء كانت امرأة عاملة ام لا

هل انت مع ام ضد الطلاق بسبب عدم الانجاب ؟؟؟؟