هناك اشاعه مغرضه تدور حول الشعب الاردني

هناك اشاعه مغرضه تدور حول الشعب الاردني
و تقول هذه الاشاعه ان الشعب الاردني شعب نكد و مشكلجي و كشر ( بوزه 7 متر و ما بضحك للرغيف الساخن )
نحن الشعب الاردني نستنكر و نستهجن هذه الاشاعات التي لا اساس لها من الصحه و معنا حقائق و براهين تثبت ذلك

على سبيل المثال

1، كل موظف (خصوصا موظفي الحكومه ) بصحا قبل الدوام ب سيعه و بفطر و بنزل ع دوامه بكير و الضحكه امبيني ع وجو


2. طالب المدرسه ما بسدق و الفجر يطلع بتلاقي صاحي و لابس وحامل ألشنتي و امكيف انو رح ايداوم ( و امو و اخوانو بترجو اينام اشوي و لا حتى 5 دفائق بس هوي برفض و بروح ايراجع لدروس )


3، كلو كوم و لما اردني يخد فاتوره مي او كهربا شو بكون بضحك و عل سريع بطلع يدفعها و لو اتشوفو غديش بكون مبسوط و هو بدفعها و دايمن بمزح مع المحصل بتلاغي المواطن بدو يدفع ازياده بس المحصل برفض و برجعلو الباغي بالفلس ودايمن الفاتوره بتكون عادلي و بحغ الله


4، لما شرطي ايوغف مواطن عشان ايخالفو بتلاغي صوط ضحكهم بالشارع كلو و بالاخر ببطل الشرطي بدو ايخالفو و دايمن بكتفي بالتنبيه
و لما ايكون المواطن واصل بتلاغي حكا مع المسئولين و طلب طرقيه للشرطي
ملاحظه : خلال الاربع سنوات الماضيه لم تسجل اي حاله للواسطات في الاردن


5. لما تركب اي تكسي و انت ابتضحك و تسئل الشوفير اي سؤال ببتسم و بئولك والله ما بعرف بس بسئلك و ابتنزل لما توصل وانت مبسوط و بتسير تتناقش انت والشوفير انت بدك تكرمو و هو برفض
علما انو شوفيريت التكاسي اموحدين الزي و متأنقين و ع فكرا كلهم ما عندهم مشاكل في حياتم


6،لما اتراجع اي دائره حكوميه و اتخلص ب نص ساعه بالاكثير و الكل مبسوط و ببتسملك و ما بكون الك نفس اتروح بس بتروح عشان اتلحغ شغلك


7، لما تدخل عند المدير من غير موعد ولا طلب و انت عم تضحك و هو بكيف لما ايشوفك و تطلوب اجازه و يعطيك اجازه مفتوحه من غير خصم ابتطلع و انت مبسوط


8، كل اشي ل حال و هاي ل حال يوم ما ارتفع المحروقات و اعلنو عن الارتفاع
المواطن ولا همو بغول حغهم و همي مو امقسرين معنا و هينا عايشين احسن عيشه و مو ناقصنا اشي


يا اخوان مو عارف مين طلع هالاشاعه انو احنا شع
ب كشر و دواوين و بس بندور عالشر
بعدين لما اتعيش في هاي البلد الكل فيو مسالم و كلشي عندك المواصلات سهله و الشغل موجود و كل يوم ابتتغدا منسف و ابتتعشا مشاوي و الخضار حوليك و المي دايمن واصليتك و الكهربا عمرها ما فصلط و الفواتير ب حغ الله و الشرطا ما بهمها اتخالف و ما في ظلم ، ، ، و كلشي متوفر الك
معغول بعد كل هاد اتكشر او اتدور عل المشاكل و الشر